Выхаванцы дзіцячага сада «Светлячок» гарадскога пасёлка Лёзна паляцелі ў незвычайнае падарожжа на планету Баламуція, а па шляху паўтарылі правілы бяспекі.
Пачалося падарожжа з мультфільма “Чароўная кніга МНС”. Там хлопцы даведаліся, што да галоўных герояў прылятае іншапланетны госць – Баламут, які кліча сваіх новых сяброў са «Светлячка» да сябе ў госці на планету Баламуція.
Выхаванцы дашкольнай установы адпраўляюцца на таямнічую планету, але для гэтага неабходна ўзброіцца ведамі правіл бяспекі.
На шляху хлопчыкаў і дзяўчынак сустракалі жыхары розных планет, якія траплялі ў бяду і прасілі аб дапамозе. Хлапчукі і дзяўчынкі дапамагалі героям выбрацца з сітуацый. Разам з Бубай, жыхаром Шустрай планеты, яны ўспаміналі нумары экстраных службаў і паўтаралі, што неабходна сказаць ратавальнікам; генералы Халоднай планеты не ведалі, калі агонь бывае добрым, а калі злым. А смяшарык Нюша была зачынена ў вежы, з якой не ведала, як выбрацца з-за дыму.
Касмічнае падарожжа для рабят прайшло займальна і пазнавальна. На канчатковым пункце выхаванцаў чакала прыемная сустрэча.
Баламут падзякаваў хлопцам за веды і ўручыў карысныя падарункі.
Рабяты, у сваю чаргу, паабяцалі правілы бяспекі выконваць і не забываць аб незвычайным вандраванні.
Па інфармацыі Лёзненскага РАНС. Фота: Лёзненскага РАНС.
