Акцыя ” Не прапальвай сваё жыццё!” актыўна праходзіць у Лёзненскім раёне. У цэнтры ўвагі ратавальнікаў сталі працоўныя калектывы сувязістаў і энергетыкаў.
Першы намеснік начальніка Лёзненскага райаддзела па НС Андрэй Салаўёў, выступаючы перад работнікамі тэлекамунікацый нагадаў, што ў большасці вогненных НС вінаватым застаецца сам чалавек. Не выконваючы простыя правілы бяспекі, гаспадар жылля не задумваецца аб наступствах. Гэта датычыцца і курэння ў нецвярозым выглядзе ў хаце. Прыводзячы прыклады, часцей за ўсё трагічныя, Андрэй Уладзіміравіч звярнуў увагу прысутных аб тым, што ў зоне рызыкі не толькі сам віноўнік пажару, але і блізкія людзі, якія пражываюць з ім, суседзі.
Няма больш надзейнага сродкі ранняга выяўлення узгарання, як аўтаномны пажарны апавяшчальнік. Яго, першы намеснік начальніка аддзела па НС, прапанаваў устанавіць у кожным жылым пакоі.
Не абышлося без напамінку аб самых распаўсюджаных прычынах пажараў: пячным ацяпленні, дзіцячай свавольствы, няспраўнай электрычнай праводкі.
Тут, выступоўца прывёў прыклад кампаніі МНС «Бяспечная старасць» і звярнуўся да прысутных з просьбай прывесці ў парадак пячное ацяпленне і электрычную праводку ў сваіх пажылых сваякоў.
Падобная сустрэча прайшла ў Лёзненскім раёне электрычных сетак. Там, энергетыкі даведаліся аб мэтах і задачах акцыі «Не прапальвай сваё жыццё!», а таксама ўспомнілі асноўныя правілы бяспекі, як на працоўным месцы, так і ў побыце.
